Passilladas in Monti Arci
Su Monti Arci est unu vulcanu bèciu studau, chi is bogaduras suas ant ingendrau sa stèrrida de pedra crobina prus manna de su Mediterràneu, s’oru nieddu antigu de Sardìnnia, impreada de is Sardus antigus po fraigai armas e àterus trastus. Peri is moris suus as a caminai ingiriau de padentis mediterràneus de ìlixi e de suèrgiu, finsas a lompi a is cucunius suus de arroca, logus de innui si biit totu su Golfu de Aristanis.
As a podi scoberri su Monti arci, cun passilladas a pei, a bicicreta de monti o a cuaddu, e bivi su spantu chi sa natura oferit in dònnia tèmpora de s’annu.
As a abarrai spantau bidendi is paesàgius e provendi is emotzionis chi unu vulcanu bèciu sceti t’ant a arregalai!
Po is chi bolint bivi spiritualidadi e naturalismu fait a nci artziai finsas a su coru de su monti, in d-unu mori cuau chi ti nci portat a peis de sa stàtua de Nostra Sennora Reina de Monti Arci, logu innui totu cussus chi bolint arricai s’esperièntzia insoru finsas cun d-unu biaxi de s’ànima podint pregai e podint meledai.