Turismu esperièntziale

Su territòriu de s’Unioni de Comunus de is Fenìtzius ti oferit sa possibilidadi de bivi emotzionis spantosas, esperièntzias ùnicas chi sa Sardìnnia prus sintzilla ti podit donai, gràtzias a is logus bellus suus e a su benni apari cun sa genti de custas biddas e cun sa cultura sua.

Innoi as a podi scoberri una manera noa de bivi sa permanèntzia tua, atraessendi logus e paesàgius ìnnidus, scoberrendi avesus de milli e milli annus e connoscendi sa vida e is acostumus de sa populatzioni.

Pensa de suexi su pani fatu in domu comenti fadiant is massajas de una borta o de pigai parti a is maneras antigas de piscai in s’àcua pàsida de is stàinis, arricus de matedu e de genias meda de pillonis coloraus.

Pensa de caminai in àndalas innui ddoi caminànt pòpulus antigus, circhendi turris nuraxesas, in d-una acabussada spantosa in sa stòria de s’ìsula antiga de is Sardus.

Totu custu e unu muntoni de àteras cosas as a biri in d-unu biaxi capatzu de abbiatzai su disìgiu tuu de scoberta e de aventura chi as tentu sèmpiri, allargu de is arretumbus de su turismu de massa, in d-una esperièntzia chi nd’ant a gosai donniunu de is cincu sensus tuus.

 

 

Galleria