CEAS Pauli Majori

Prammas est una bidda bellixedda de orìginis medioevalis, su nòmini suu arregordat sa presèntzia de prammedus meda in cussus logus, acapiaus de sèmpiri a is fainas de is massajus e de is pastoris.

Su nòmini suu est cussu de sa santa chi dd’ant dedicau sa basìlica romànica spantosa de su de XII sèculus. Sa bidda nascit in d-unu logu innui sa presèntzia de s’òmini est testimongiada giai in s’edadi de su brunzu e innui, a pustis, ant fraigau sa tzitadi fenìtziu-pùnica de Othoca.

Su nòmini de sa bidda parit chi arregordit “sa ‘ia majore”, sa VIA MAIOR romana, cun arriferimentu forsis a sa bia chi de Tharros portàt a is termas de Forum Traiani (Fordongianus).

Su nòmini de Sabarussa nascit po mori de su colori arrùbiu de sa terra de cussus logus: Solum Rossum fut su topònimu antigu de custu logu arricu de testimonias archeològicas e stòricas chi scòviant sa presèntzia de s’òmini de tempus antigu meda.

Biddobrana, chi s’agatat in sa baddi intra de su Monti Arci e su Grìghini, tenit orìginis romanas e su nòmini suu arribat de Villa Urbis chi dd’arregordat che a una bidda de sa tzitadi, est a nai de sa tzitadi romana de Othoca.