Prammas

Prammas est una bidda bellixedda de orìginis medioevalis, su nòmini suu arregordat sa presèntzia de prammedus meda in cussus logus, acapiaus de sèmpiri a is fainas de is massajus e de is pastoris.

Nàscia in logu de campura, custa bidda chi presentat paesàgius diferentis, crèscia a ingìriu de sa crèsia de Sant’Antiogu e cun is domus de làdiri, s’agatat me in is peis de su vulcanu bèciu de Monti Arci, incarada a su stàini de Pauli Majori, una de is zonas ùmidas prus de importu de Itàlia e paradisu schetu po is apassionaus de birdwatching, gràtzias a is genias meda de pillonis chi ddoi funt, intra de custus su caboni de àcua, sa menga arrùbia e su titillonàrgiu (o capucinu).

Po sa festa de su santu, su de tres domìnigus apustis de Pasca Manna, is prammaresus faint curreras de balentesa a cuaddu: is parìllias prammaresas, chi si currint apustis de sa currera de is tres aneddus, innui is cuadderis cun unu furconi de linna chi ddi narant su matzucu provant a infrissiri 3 aneddus apicaus, postus a tretu de 15 metrus s’unu de s’àteru.

In Monti Arci sa bidda de Prammas ddoi tenit unu padenti carcu de ìlixis e de àteru matedu mediterràneu, cun margas de suèrgiu e de arroli, chi ddi narant su padenti de “Sa dispensa”, cun logus cuncordaus po ddoi podi prandi, cun giogus, e cun testimonias stòricas chi movint de su Neolìticu ùrtimu finsas a fràigus de edadi nuraxesa.

Mappa e info

Indirizzu: Via Rinascita n. 19, 09090, Palmas Arborea (OR)
Telefono: 0783 28028

Galleria