CEAS Pauli Majori

Su nòmini de sa bidda parit chi arregordit “sa ‘ia majore”, sa VIA MAIOR romana, cun arriferimentu forsis a sa bia chi de Tharros portàt a is termas de Forum Traiani (Fordongianus). Nàsciu in edadi medioevali, Siamaiore tenit unu tzentru stòricu formau de fràigus chi s’agatant in totu su Campidanu: domus bàscias cun cortillas mannas, po su prus fatas de làdiri, est a nai de matonis de terra crua amesturada cun palla, e bias strintas.

Sa crèsia parrochiali est dedicada a Santu Costantinu, esempru de architetura baroca de acabu de su Setixentus, mentras de orìgini romànica est sa crèsia de Santu Triagus, acanta de sa bidda.

Siamaiore est una bidda de laurera, in sa campura bundantziosa de sa Baddi Bàscia de su Tirsu. Sa parti de territòriu innui ddoi est sa borgada agrìcula de Pardu Nou, cun sa crèsia de Santa Maria, dd’iant bonificada in su de XX sèculus.

Intra de is prodùsius bellus de sa bidda ddoi est de seguru sa canciofa, chi ddi dèdicant una sagra chi faint dònnia annu a primìtzius de
beranu.